mardelira

Mardelira: Turismo pesqueiro e sensibilización ambiental

Dar a coñecer o mundo da pesca e do mar á sociedade, ademais de dinamizar o entorno social da comunidade pesqueira de Lira, é a prioridade do procecto Mardelira, con obradoiros de pesca e turismo pesqueiro, entendido como unha forma de facer visible a actividade profesional do pescador artesanal, como dúas áreas de actuación complementarias.

Fundación Lonxanet actuou de facilitadora do cambio social, codeseñando o proxecto, aportando os seus recursos e buscando financiamento de entidades públicas e privadas para levalo a cabo. No deseño desta iniciativa se involucraron, entre 2002 e 2004 e co apoio económico da Fundación AVINA España, todos os axentes públicos e privados participantes que sumaron esforzos coa Confraría de Lira, auténtica protagonista do impulso, mantemento e execución do proxecto.